ambo pon reti maroh jugok

Posted by penulis bebas On Monday, January 30, 2012 2 comments
 [ Jange dok bedal kok sei gak set kita....bukan FAM YG KUTIP TIKET TAPI KAFA...kita MINTA mereka bayar hotel makan Dan penetbangan kita ke kl TAPI tak lulus..lalu kita bui syarat supaya kita tuan rumah UTK COVER COST KITA KE KL...penonton tak semesti org klate saja...BIAR cerdik sikit. Komen set kita ni ]tan sri annuar musa


sebagaimana semua maklum, harimau malaya akan menentang kelantan dalam siri perlawanan persahabatan pada 1 februari 2012 bertempat di bukit jalil, buke bukit marok neh, tapi di stadium nasional tepat hok set kito beso sokmo doh


tapi, boh besar kito maroh weh, mungkin pasal ado ore dok ngato bahawa FAM nok kekoh pitih rakyat kelate jah, dekpon, hari tu frendly nga skuad ggasi meroh pon free jah, ni awo lawe kelate nya cas rego 1o riya nanggum.


mungkin atah kapasiti presiden kafa, maka tan sri annuar muso buat status sebagaimano ambo quote alik atah tu, mulo mulo baco nok ssuko jugok, ado ko menasaboh, nok maroh ko penyokong pasal dok ngato ggitu. meme tok patut sungguh.


kenyatae tan sri nuar muso pasal isu tiket ni, bagi ambo seumpamo membuka rahsio bahawa selamo keni, meme kafa sendiri hok berehi kekoh pitih penyokong.


tok cukup lagi ko pitih hok sponsor bui, kalu tok cukup, ejah wak tubik la statement akaun tu, biar kito penyokong ni tau , brapo semua kos hok kafa abih tiap tiap bule, gaji ko pemain abih berapo , coach berapo, kato nok telus, nok maju supo liga pro di eropah, ambo sendiri ccayo, berapo ramai ore di malaysia ni nok tau, berapo gaji pemain handale kito, matyo, gaji import, ghaddar hok ala kadar. bakpo liga eropah siap buleh oak, berapa jumlah gaji hok player terima, berapo ribu gaji ore tu, ore ni. 


bbalik ko cerito asal, narak ko kos pengngkutan , make minum, kecing berok, penyokong semuo keno tanggung ? pikir la retek tan sri weh. demo ore besar, ore berpengaruh, ado pakak, jange la kito dok wak statement ggitu. ambo baco pon malu.


tok lojik lasum.


ambo tau, tan sri pon pikir jugok masalah penyokong kito ni, masalah logistik la ggapo la, meme ake ado penyokong luar hok ake mari sokong malaysia, pado maso samo nok kelih pasukan kelate jugok.


doh la game afc main di bukit jalil doh, ni game ggini pon tok leh nok ejah main di koto bharu, 4 hb main d koto bharu, pahtu player no terbe gi saboh pulok, pengurusae profesional ggapo tok tau, tempoh rehat hok player patut buleh, nya guno sakak sakak nok, pah kalu player tok perform, nya bui alasae letih la ggapo la. 



pah nok tanyo so kkaro lagi, kelab singapore hok mari nok lawe kelate di koto bharu 4 hb ni lagu mano cerito, penyokong keno bayar jugok ko penginape demo tu? make minum semuo penyokong keno tanggung jugok ko? 


kalu lagu ni la mmene tan sri, selagi buleh peroh pitih penyokong, ambik kesempatan ggini, berat weh. bunyi sign sponsor situ, sponsor ssini.. woh ngelah, pitih penyokong jugok hok nya kekoh. 

2 comments:

AbeWhere said...

yolo boh, kawe setuju kenyataan demo.. kawe duk agok doh la benda2 gini.. audit sila wt kerja, heheheheee

uNcLe BaKkU said...

aduss....kena gi nyiasat nih.

Post a Comment